MEMORIA LEKUAK

Memoria historikoa oinarrizkoa da komunitate baten identitatea eraikitzeko. Herriaren etorkizuna moldatu zuten gertaeren pertzepzioaz ari gara, garaipen edo porrot militarrez gaindi, edozein gizarte eraikitzeko ezinbesteko den hizkuntza propioa izatea bezalako egitez. Komunitate batek bere iruditeria garatzeko behar dituen momentu eta leku historikoak aukeratu eta definitzeko bitarteko oinarrizkoa da. Orreagako gudua, itsasoa, Gernika, Iruñea, Zugarramurdi, Amaiur, euskara… gure identitate eta kulturaren parte dira. Gertakari horietako asko leku zehatzetara lotzen ditugu, izan paisaiak, herri eta hiriak, eraikinak, datak edo ospakizunak. 2018an, guzti honen inguruan hausnartzeko jardunaldia ospatu genuen Oñatin. Orain, bertako fruituak liburu honetan bildu ditugu.